МОНГОЛЧУУДАА СЭРЦГЭЭЕ!!!
Хорь гаруйхан жилийн тэртээ бид энэ уриаг хэлээд коммунист дэглэмийн эсрэг босцгоож байлаа. Тэгвэл энэ уриаг өнөөдөр бас дахин хэлэх хэрэгтэй болоод байна. Олон олон монгол сэхээтнүүд үүнийг мэдэрч ард түмэндээ хэлж сануулсаар байгаад баяртай явдаг. Өнөөдөр биднийг унтуулж байна. Xэрэглээний ертөнцийн үнэт зүйлээр бүр гүн ховсдолын байдалд оруулан унтуулаад араар маань хамаг баялаг, эрүүл мэнд, эмс охид, эх орныг маань хулгайлж байна. Харийнханы түрэмгийлэл, хулгай, дур зоргоороо авирлах явдал хэрээс хэтэрлээ. Тэд гэрээт ажилчидын, хөрөнгө оруулагчидын, буяны сангийн, банкны зөвлөхүүд, элдэв мэргэжилтэн, төсөл хэрэгжүүлэгчидийн, тэр ч байтугай бурхан ном айлдагч, буяны үйлстэн, бясалгалын багш, гэгээнтэн гуру-гийн дүрээр бидний улс төр эдийн засгийн хүч чадал,тусгаар тогтнол, оюун санааны эрх чөлөө, монгол гэр бүлийн аз жаргалд эрээ цээргүй халдах боллоо.
АНУ-аар толгойлуулсан
барууны орнууд тухайлбал Франц, Герман, Их Британи улсууд Сири-г үндэстнүүдийнх
нь хооронд хагаралдуулж, үр хүүхэд өсвөр үеийнхэнийг нь ардчилал тогтоох нэрээр
дайнд татан оруулж зэр зэвсэг, мансууруулах бодис, мөнгө санхүүгээр дэмжиж байнa.
Европын хоёр ч орон,
тухайлбал Грек, Спани улсуудын үндэсний орлогын 70-80% нь гадны зээлэн дээр
тогтох болж аль хэдийн дампуурчээ. Энэ хоёр орны араас Зүүн Европын орнууд
замнаж байна. Болгар, Румын, Польш авилгалд идэгдэж, барууны компани-ууд орж
ирэн "үүрээ засч", олигтой өөдтэй гэсэн барилга байгууламж, хөдлөшгүй
хөрөнгө, үйлдвэр заводуудыг нь хувьчилж, худалдан авч, улс төрчидийгнь өөрсдийн
эрх ашигт нийцсэн хууль гаргахад "зөвлөж", өр зээлэнд оруулах, боолчлох ажилаа идэвхтэй
өрнүүлж байна.
Дотоод хямралдаа
идэгдсэн капиталист гэгдэх гүрнүүд ашиг орлого олох зорилгоо ил далд аргаар
хэрэгжүүлж ийнхүү хүн төрөлхтний ихэнх хэсгийн амьдрал аж байдлыг зориуд
доройтуулсаар байна. Тэд өөрсдийн шулах гэсэн орныхоо байгал орчин, хүн ардын
эрүүл мэнд, соёл боловсролд өчүүхэн ч анхаардаггүй бөгөөд харин хүн ард нь
хэдийчинээ бүдүүлэг дорой, гэнэн тэнэг, төр засаг нь сул байна төдийчинээ сайн
гэж үздэг нь илт. Үүний тод жишээ нь
Африк болоод Латин Америк, Ойрх Дорнодын улс орнууд Нигери, Судан, Алжир,
Боливи, Перу, Колумби, Афганистан гэх мэт улс орнууд болж байна. Эдгээр улс
орнууд их гүрнүүдийн улс төр, санхүүгийн бодлогын золиос болж олон арав, зарим
нь бүр зуун жил "тамын" амьдралаар амьдарч байна. Эдгээр болон бусад олон үйл явдал баримтууд
өнөөгийн дэлхий ертөнц хэний дарамтан дор, хаашаа явж байна гэдгийг тод харуулж
байна. Эдгээр улс орнуудад учирсан бэрхшээл зовлон монголд яг л хуулбар мэт
давтагдаад байгааг бид харсаар мэдэрсээр байж зүгээр сууж яасан ч болохгүйээ!
Сэрэх хэрэгтэй, харах
хэрэгтэй байна. Бусдын өнгө мөнгө, сайхан үг, эрээн алаг баганд нь хууртаж ухаан
жолоогүй дагаж гүймээргүй байна. Бид ховcдуулсан мэт гүн хойрноос, капитализмын
илбэ жатга, арга зальнаас талын хөх чоно мэт сэрэмжлэх, сэргийлэх, мултрах,
дайжих, эрх чөлөө, эд баялагаа хамгаалах хэрэгтэй байна.
Социализм гэгч нь коммунист үзэл суртлын зарц,
хүнд сурталт дарга нарын дэглэм байсныг бид ойлгосон билээ. Oдоо капитализм, либерализм гэгч нь ардчилал,
эрх чөлөө, хүний эрх, чөлөөт зах зээлээр халхавчилсан авилгач, хулгайч, дарангуйлагч,
мөлжигч, боолчлогч нарын дэглэм юм байна гэдгийг ойлгох цаг нэгэнт болжээ!
Монгол түмнийг маань
Мөнх Тэнгэрийн Хүч ивээх болтугай!
З.Эрдэнэбат
Subscribe to:
Post Comments (Atom)
0 comments:
Post a Comment