Мэргэнд буусан чоно: ЦАТГАЛАН ХҮМҮҮСИЙН ЦАГ НӨХЦӨӨДӨГ ГАЗАР БИШ БОЛЖЭЭ

ЦАТГАЛАН ХҮМҮҮСИЙН ЦАГ НӨХЦӨӨДӨГ ГАЗАР БИШ БОЛЖЭЭ

Юм өөрчлөгджээ. Бас ч үгүй юм өөрчлөгдөх шинжтэй болоод явчихлаа...

Тиймээ, өөрчлөлт шинэчлэл бол зөвхөн өнөөгийн Mонголчуудын дагаж мөрдөх, хэрэгжүүлэх ёстой зарчим биш, бүрцаад утгаараа Мөнх Тэнгэрийн Хууль билээ.

Орчлон ертөнц энэхүү Мөнх Тэнгэрийн хуулинд захирагддаг. Орчлонгийн бүх юмс энэ хуулийн дор... ,

Өөрчлөлт шинэчлэлтээс хүссэн ч, хүсээгүй ч нуугдах, зайлсхийх арга байхгүй…

Монголд “шинэчлэлийн” гэх тодотголтой Засгийн газар байгуулагдаад овоо зүйлийг амжуулж эхлээд байгаад сэтгэл их өндөр байна аа. Өнгөрсөн 22 жилийн 18 -д нь Их Хурал, Засгийн газрыг байгуулж явсан МАН-ынханыг хүмүүс өрөвдөж байгаагаа ний нуугүй илэрхийлж байна.

Гэвч МАН-ын xэд маань аанай л диваан дээр тэрий хадан хэвтсээр хэд хоногийг ардаа хийх шивдээ... "Xаашаа харж үхнээ?!" гэдэг шиг тэднийг одоо хаашаа харж яаж хэвтэцгээхийг Мөнх Тэнгэр л мэдэх буй заа.

Тэд ч олон жил Их Хурлын танхимд унтсан даа хөөрхийс. Цалин нь нэмэгдэж, царай нь цагаарч, цатгалдсан олонхи Их Хурлын танхимд цаг нөхцөөж суудаг байлаа.

Сонин уншиж, утсаар ярьж, хааяа телевизийн камерлуу нүднийхээ булангаар хяламхийсэн шиг ээ...

Хууль хэлэлцэж байгаа ч юм шиг, үгүй ч юм шиг. Нэг л иx цадчихсан, сэтгэл санаа нь ханасан, “хүчээ авчихсан” хүмүүс... Зорьсон, зовж байж хүрсэн тэр газраа хүрчихээд сая л нэг нуруу нь тэнийсэн байдалтай харагддаг байв шүү! “Одоо намайг эндээс хэн ч хөдөлгөхгүй!” гэсэн дотоод тамир нь уугих агаад, цээж тэнэгэр, ихэмсэг оршихуйн оргилд тухлан суух тэр хүмүүс үгээ хэлэхдээ янцаглана, дүлнэ, ямар сэдвээр, ямар хуулийн төсөл хэлэлцэж байгааг анхаараагүй тул хадуурдаг байлаа., “Эрүүл мэндийн хууль хэлэлцэж байна” хэмээн Их Хурлын даргыг хэлэхэд цочсондоо эрдэс баялгийн лицензийн тухай “дэмийрнэ”.

Баталсан хууль нь баахан засвар хийх шаардлагатай, түргэн түүхий, Монголын амьдралд хэрэгжих боломжгүй хам хум хуулбарууд. Санаа тавиагүй, салан задгай байдалд батлагдсан тул сар жилээр хоцорсон бас хоцрогдсон хуулиуд болж орхино.. Тэгээд түүнийг нь хэрэгжүүлэх боломжгүй тул хууль сахиулах ёстой байгууллагууд нь өөрийнхөө үзэмжээр мөрдүүлдэг байв даа.

Цатгалан хүмүүсийн засаглалын үед иймэрхүү л явж ирсэн гэдгийг монголчууд бүгд мэднэ. Ард түмэн үүнийг нь хэлсээр байв. Гудамнаас ч, Их Хурлын танхимаас ч сануулсан,.. хэлсэн...гэтэл мань МАН-ын хэд үгээ зөөн байж, дүлэн байж хэд гурван үг хэлмэр болоод л утсаараа ярина, шалдан хүүхэнтэй сонин эргүүлнэ, шар толгойтой хөөрөг эргэлдүүлнэ. Өөрийнхөө Пи Ар-ын түвшинг шар сониноос эрнэ. Хууль хэлцэгдэж л байдаг. Хурлын дарга тэнд юм хэлж л байдаг. “Хурган дарга” - Их Хурлын зарим гишүүд маань чатласаар, текстсээр, жиргэсээр… галт тэрэг хүлээх зуураа юухан хээхнээр зугаацаж суугаа улс шиг загнана.

Хэлж ярьж байгаа зүйлээ батлахчаан болохдоо “Америкт тийм байдаггүй юм!” эсвэл “ийм байдаг”, “Германд бол огт өөр” гэх мэтээр мэдэмхийрнэ. Хуулийг Монголд зориулж боловсруулсан болохыг таг мартана. Ийнхүү цаг хугацаа явсаар цатгалан хүмүүс улам цадаж, цатгалдаж, хэхэрч, хийгээн гадагшилуулж суусаар одоо харин Ай пад,

Ай фонтой болцгоожээ. Хааяа тэднийг мэдээгээр харжээ байхад, интернетэд холбогдсон бололтой Ноутбуук-нийхээ дэлгэцийг нойрмог нүдээр гөлөрч суух агаад, зарим нь Айпадныхаа айконыг олж байгаа болов уу даа гэмээр долоовор хуруугаа гозойлгочихсон эрж эрж, харж харж байснаа хааяа нэг тогших ч биш, чичих ч биш аяглах бөлгөө…

Хорин хоёр жилийн тэртээ Монгол оронд маань сэвэлзсэн өөрчлөлт шинэчлэлийн салхи энэ намрын чуулгантай хамт Их Хурлын танхимд дахин орж ирэxдээ цагаа нөхцөөж ядах цатгалан хүмүүсийн тоог цөөлжээ гэж бодож суухуй дор энэ хэдэн мөрийг тэрлэв ээ.

З. Эрдэнэбат

0 comments:

Шагнал

- Нацагдоржийн нэрэмжит шагнал 2006 он
- Монголын Зохиолчдын Эвлэлийн шагнал 1999 он
- Удвал сангийн нэрэмжит шагнал 2008

- С.Буянэнмэхийн нэрэмжит шагнал 2009 он
- Утгын чимэг богино өгүүллэгийн наадамд оролцож 12 удаа эхний байруудад шалгарсан.
- Оны шилдэг бүтээл шалгаруулах "Алтан өд-2011" шагналт

Ном

2012 он - Дөргөнэ хатны алтан зоос
2010 он - Цагаан сүүний домог (Англи хэл дээр)
2009 он - Нар хурайлсан хийморь
2007 он - Шөнийн танго
2005 он - Тэнгэрийн зүүд
2005 он - Согоо суман
2002 он - Өнчин чавхдас дуулдаггүй
1998 он - Мэргэнд буусан чоно
1993 он - Удган
1987 он - Толгодын шивнээ
1985 он - Хараацайн жигүүр

Тайз, дэлгэцийн бүтээлүүд

2009 он - "Нүцгэн натур" уран сайхны кино
2011 он - Хурдан том болмоор байна
2011 он - "Тусгаар тогтнолын төлөө" теле жүжиг
1999 он - Тэнгэр мэднэ кино
2000 он - Нохойтой нөхцсөн бүсгүй кино
2000 он - Цагаан сүүний домог кино
2003 он - Мэргэнд буусан чоно балет
2008 он - Уулын бяцхан зоргол хүүхдийн балет

Prizes and place winning in contests

1998: Prize by the Union of Mongolian Writers.
2004: “Honorary labor medal” high prize by the state.
2006: The Natsagdorj prizewinner
2009: The S.Buyannemekh prizewinner

“Delicacy of meaning” state contest of short stories
1989: Movie “The routine to meeting” won the second place in the contest of movie writing organized by Mongolian Railroad.
1993: “The best of tea” 1st and 2nd places
1994: “The legend of inscribed rock” 2nd place
1996: “Heaven’s dream” 3rd place
1997: “Solitude” 3rd place
2000: “Gold coin of queen Turkina” 3rd place
2005: “Uraliin tes mod” 2nd place
1998: “The fellow in white shirt” 1st place in the contest of short stories dedicated to 360th anniversary of Ulaanbaatar
2003: “Thirsty horse” 2nd place in the state contest of short stories.
2006: “Gun galuutai” 4nd place in the state contest of short stories.

“Golden feather” the contest of the best works
2001: “Lonely musician” the best
2002: “The wolf in divination” modern ballet as the best
2003: “Journey without return ticket” the best
2004: “The site of death” the best
2005: “Horse like deer” the best