Мэргэнд буусан чоно: Ц.Түмэнбаяр ТАНГАРАГ

Ц.Түмэнбаяр ТАНГАРАГ

Хүчит тэнгэрийн зарлигаар

Зүрхэнд буцлах омогшилтой

Хөөрөх нарны илчээр

судсанд лугших эрчилтэй

Газрын гүнээс огшсон

Халуун цөмийн цэнэгтэй

Галын дөл шиг ассан

Монгол түмний минь заяа

Туурга тусгаар улсыг

Туйлын ихээр хүсэж байна.

Тийм тусгаар тогтнол

Төрсөн нутагт минь байна уу? гэж

Сөхөрсөн ард түмний

Цөхөрсөн итгэл асууж байна

Эхэр татсан хүүхдийн

Энэлсэн нүд асууж байна (Өнчирсөн)

Боолын боолд зүтгэж

Босгоны шороо долоож

Харийн бүүдгэр тэнгэр дор

Хар хөлсөө цувуулсан

Халх Монголын удам

Идэр залуус асууж байна

Сохор зоосны үнээр

Солигдсон заяа нь тэнэж

Харанхуй шөнө шиг амьдралд

Хамхуул шиг хийсч яваа

Хайран сайхан охидын

Харцны гуниг асууж байна

Шархандаа шархирах нутгийн минь

Шаналсан салхи нь асууж байна.

Ундаргаа таслуулж хатсан

Усны гольдрол асууж байна

Түүхийн нугачаанд бүдэчсэн

он жилүүд асууж байна

Түмнээ түүчээлж эрсдсэн

Төрийн түшээд асууж байна

Арван нэгэн оны

Асгарсан цус асууж байна

Арвин хэвлийгээ цөлмүүлсэн

Аглаг тал асууж байна.

НҮБ-ын тэнгэрт мандсан

Соёмбот далбаа асууж байна.

Хэлмэгдлийн суманд өртсөн

Гучин долоон он асууж байна.

Хилийн дээснээс хальсан

Байтагийн баатрууд асууж байна.

Хилэнт давалгаа шидлэх

Халхын гол асууж байна.

Улайдсан зоосны нүхээр

Урагдсан зүрх асууж байна.

Урт хэрмийг шавхуурдсан

Вангийн жинс асууж байна.

Омог бардам нөгчигсөн

Хаадын удам асууж байна.

Онго юугаа онгичуулсан

Дээдсийн сүнс асууж байна.

Монгол хэмээн сийлсэн

Эзний тамга асууж байна.

Модуун хааны харвасан

Дуут сум асууж байна.

Тэнгэр заяаг тэрсэж

Титэмтэй толгойгоо гудайлгаж

Өлгий нутгаа худалдаж

Өстний эрхэнд өмөлзөж

Бусдын хаадын өлмийд

Бурханчилж хэн мөргөв гэж

Мохошгүй зарлигаа буулгасан

Мөнх тэнгэр асууж байна.

Гаслант цээжээ дэлдэж

Гашуун үнэнийг хэлье.

Нүд хальтран эмзэглэх

Нүгэлт үнэнийг хэлье.

Туурга тусгаар улс гэж

Тунхаг төдий зарлаж байна.

Туйлдсан эх орон минь

Туулайн зүрх шиг чичирч байна.

Ганцхан эх орон минь

Гарын салаагаар урсаж байна.

Ганирсан салхи шиг шуналын

Галзуурсан галд шатаж байна.

Эрх чөлөөг хүссэн

Эс бүхнээрээ тангараглая

Эрдэнийн агаараар тэтгэгдсэн

Амьсгалынхаа тоогоор тангараглая

Хорсож урсах нулимсаа

Зүрхэндээ нэрж хатуужъя

Хөсөр хаягдсан заяа

Сүлдэндээ залбирч босьё.

Төрийн хатуу зарлиг

Төмөр цаазаар хангинаж

Түүхийн хуудасны тоосыг

Сэгсэрч босохын төлөө

Дээд тэнгэрийн зарлигаар

зүрхэнд буцлах омогшилтой

Дэлгэр нарны илчээр

судсанд эрчлэх хүсэлтэй

Дээдсийн ухаанд оршсон

атар онгон нутагтай

Дэлхийн зулайд мандсан

хүчирхэг төрийн нударгатай

Туурга тусгаар улсыг

Тунхаглан зарлахын төлөө

Үеийн үед үргэлжлэх

Үрсийнхээ заяаг дуудъя

Үрийн үрд үлдээхээр

Үхлийг мартаж ¿çýëöýíý.

2011-11-08

0 comments:

Шагнал

- Нацагдоржийн нэрэмжит шагнал 2006 он
- Монголын Зохиолчдын Эвлэлийн шагнал 1999 он
- Удвал сангийн нэрэмжит шагнал 2008

- С.Буянэнмэхийн нэрэмжит шагнал 2009 он
- Утгын чимэг богино өгүүллэгийн наадамд оролцож 12 удаа эхний байруудад шалгарсан.
- Оны шилдэг бүтээл шалгаруулах "Алтан өд-2011" шагналт

Ном

2012 он - Дөргөнэ хатны алтан зоос
2010 он - Цагаан сүүний домог (Англи хэл дээр)
2009 он - Нар хурайлсан хийморь
2007 он - Шөнийн танго
2005 он - Тэнгэрийн зүүд
2005 он - Согоо суман
2002 он - Өнчин чавхдас дуулдаггүй
1998 он - Мэргэнд буусан чоно
1993 он - Удган
1987 он - Толгодын шивнээ
1985 он - Хараацайн жигүүр

Тайз, дэлгэцийн бүтээлүүд

2009 он - "Нүцгэн натур" уран сайхны кино
2011 он - Хурдан том болмоор байна
2011 он - "Тусгаар тогтнолын төлөө" теле жүжиг
1999 он - Тэнгэр мэднэ кино
2000 он - Нохойтой нөхцсөн бүсгүй кино
2000 он - Цагаан сүүний домог кино
2003 он - Мэргэнд буусан чоно балет
2008 он - Уулын бяцхан зоргол хүүхдийн балет

Prizes and place winning in contests

1998: Prize by the Union of Mongolian Writers.
2004: “Honorary labor medal” high prize by the state.
2006: The Natsagdorj prizewinner
2009: The S.Buyannemekh prizewinner

“Delicacy of meaning” state contest of short stories
1989: Movie “The routine to meeting” won the second place in the contest of movie writing organized by Mongolian Railroad.
1993: “The best of tea” 1st and 2nd places
1994: “The legend of inscribed rock” 2nd place
1996: “Heaven’s dream” 3rd place
1997: “Solitude” 3rd place
2000: “Gold coin of queen Turkina” 3rd place
2005: “Uraliin tes mod” 2nd place
1998: “The fellow in white shirt” 1st place in the contest of short stories dedicated to 360th anniversary of Ulaanbaatar
2003: “Thirsty horse” 2nd place in the state contest of short stories.
2006: “Gun galuutai” 4nd place in the state contest of short stories.

“Golden feather” the contest of the best works
2001: “Lonely musician” the best
2002: “The wolf in divination” modern ballet as the best
2003: “Journey without return ticket” the best
2004: “The site of death” the best
2005: “Horse like deer” the best